نەوەیەک کە بە پێ دەڕۆیشتین بۆ قوتابخانە و دواتر بە پێ دەگەڕاینەوە.
نەوەیەک کە بە تەنیا ئەرکی ماڵەوەمان دەکرد بۆ ئەوەی بە زووترین کات دەربچین لە کۆڵانەکان بە پێلاو و تۆپی لاستیکی یاری بکەین.
نەوەیەک کە زۆربەمان لەناو کۆڵانەکان لەکاتێک لەکاتەکان فرۆشیاری گەرۆک و شاگرد و کاسب بووین.
نەوەیەک بوین لەپیکردنی پانتۆڵمان پێ عەیبەبوو. لەیەکەم رۆژی پۆلی یەکی ناوەندی کتابەکان و دەفتەرەکانی لەلاستیک دەپێچا و جانتا هەلگرتنیشی پێ عەیبە بوو.
نەوەیەک کە هەموو کاتە بەتاڵەکانمان لە شەقامەکاندا لەگەڵ هاوڕێکانمان بەسەر دەبرد.
نەوەیەک کە کێک و گومبەتۆکەی بەهەشت و جەهەنەممان بە قوڕ دروست دەکرد.
نەوەیەک کە قەپاغی پێپسی کۆدەکردەوە و دوو داوی تێدەخست و دەیکرد بە فرفرۆکە. لەهەموو شتێکی بێ نرخ یاریەکی دروست دەکرد.
نەوەیەک کە بە دەست کۆلارە و تەیارە و ترەقە و پاپۆڕی کاغەزیمان دروست دەکرد.
نەوەیەک کە لە ڕۆژانی باراناوی و خۆشدا یاری شەرەشەقانێ، بازبازانێ، ساپساپانێ، موشانێ، کەلایانێ، سیفۆنانێ، گۆگۆیانی، تامتامانێ، پەلیکانێ و ..هتد دەکرد.
نەوەیەک کە لە ١١ شەو و دوای ژەنینی سروودی نیشتمانی تەلەفزیۆنەکان دەکوژایەوە و دەخەوت.
نەوەیەک کە لەسەربانەکان لە ناو چیغ و سەر سیسەمی تەختە دەنوستین و زۆربەی کات دەبوو دۆشەک و بالیف و بەتانی لە ئیوارەوە ببەیتە سەربان و رایبخەیت و بەیانیانیش بیهینیتە خوارێ.
نەوەیەک کە سنوری جوگرافی کۆنترۆلی هەبوو ڕیگەی نەدەدا منداڵی وڵاتانی داوسێی گەرەکەکەی تەنیشتی بەئاسانی تێپەربن.
نەوەیەک کە لە ژێر یەک بەتانی ٤-٥ کۆدەبوینەوە بەدزی فشقیات و فسکەفسکمان دەکرد، دایک و باوکمان نەیاندەزانی ئێمە هێشتا بەئاگاین.
نەوەیەک کە لە کاتی تاریکیدا یاری قەرەقاراینێمان دەکرد و جاری واهەبوو ٥٠٠ مەتر دوردەکەوتینەوە لەماڵ و نەشدەترسیان.
نەوەیەک کە تێدەپەڕێت و بەداخەوە هەرچەند هەوڵبدەین هەرگیز ناگەڕێتەوە.
من گەورەبوونی خۆم زۆر خۆشدەوێت. ئەو کاتەی کە لە کۆنترین گەرەکی کۆیە (بایزاغا) دەژیام.
خۆشترین کات بوو.