کابرایەک مانگایەکی گەورەی سەربڕی، گریلەکەی داگیرساند و بە کچەکەی گوت.
- کچم بانگی خزم و هاوڕێ و دراوسێکانمان بکە بۆ ئەوەی لەگەڵمان نان بخۆن... با بیکەین بە جەژن!'
کچەکەی هاتە سەر شەقام و دەستی کرد بە هاوارکردن.
'تکایە یارمەتیمان بدەن! ئاگر لە ماڵی باوکم بکوژێنینەوە!'.
دوای چەند ساتێک کۆمەڵەیەکی بچووک لە خەڵک هاتنە دەرەوە و ئەوانی تر وەک ئەوەی گوێیان لە هاوار و قیژە نەبێ، ڕەفتاریان کرد.
ئەوانەی هاتبوون تا درەنگان خواردیان و خواردیانەوە.
باوکەکە بە سەرسوڕهێنەری ڕووی لە کچەکەی کرد و پێی گوت.
“ئەو کەسانەی هاتوون بەزەحمەت دەمناسین. هەندێکیان پێشتر نەمبینیون. ئەی بۆ بانگی خزم و هاوڕێ و دراوسێکانمانت نەکرد؟ ئەوان لە کوێن؟”.
کچەکە وتی.
ئەوانەی لە ماڵەکانیانەوە هاتبوونە دەرەوە، بۆ ئەوە هاتبوون یارمەتیمان بدەن و هاوکارمان بوون بۆ کوژاندنەوەی ئاگرێک لە ماڵەکەماندا نەک بۆ گۆشت خواردن.
ئەوانەن کەوا شایەنی بەخشندەیی و میوانداریمانن'.
وانە:
ئەوانەی لە کاتی تێکۆشانت یارمەتیت نادەن، نابێت لە ئاهەنگی سەرکەوتنت لەگەڵت سەما بکەن!!
in Posts