نەجم الدین ئەیوب (باوکی یوسف) ماوەیەکی زۆر لەتەمەنی تێپەڕی و هاوسەرگیری نەکرد.
پاشان ئەسەد الدین شێرکۆی برای لێی پرسی و وتی:
برام بۆ هاوسەرگیری ناکەیت؟
نەجم الدین پێی گوت: کەس نادۆزمەوە کە بۆم بگونجێت!
ئەسەد الدین پێی گوت: من پێشنیاری هاوسەرگیریت بۆ بکەم؟
وتی: کێ؟
وتی: کچی مالیک شا، کچی سوڵتان محمد بن مالیک شای سوڵتان سەلجوک یان کچی وەزیری پاشا؟
نەجم الدین لە وەڵامدا وتی: من تەنها ژنێکی چاکم دەوێت کە دەستم بگرێت.. بۆ بەهەشت و مندالێک یان زیاترم بداتێ کە بە باشی پەروەردە بێت تا گەورە دەبێت و ڕاستگۆ دەربچیت، سەروەری بۆ موسوڵمانەکان بگەرێنێتەوە.
ئەمە خەونی ئەو بوو، ئەسەد الدین قسەکانی براکەی بەدڵ نەبوو، بۆیە پێی وت: بۆچی، ئەمەت لەکوێ بۆ پەیدابکەین؟
نەجم الدین لە وەڵامدا پێی وت: هەرکەسێک نیەتی پاک بێت خودای گەورە پاداشتی نیەت پاکی هەردەکات، زوو یان درەنگ.
ڕۆژێک نەجم الدین لەگەڵ شێخێک دانیشتبوو، لە مزگەوتێکی تکریت قسەی لەگەڵ دەکرد و لەپڕ کچێک لە پشت پەردەوە بانگی شێخ دەکات.
بۆیە شێخ داوای مۆڵەتی لە نەجم الدین کرد بۆ ئەوەی قسە لەگەڵ کچەکە بکات.
نەجم الدین گوێی لە شێخ دەبێت کە پێی دەگوت: بۆچی داخوازی ئەو کوڕەت ڕەتکردەوە کە ناردم بۆ ماڵ؟
کچەکە پێی گوت: ئەی شێخ، بەڵێ ئەو لە جوانی و پێگە هیچی کەم نیە، بەڵام بۆ من گونجاو نییە!
شێخ پێی گوت: چیت دەوێت؟
پێی گوت: من دەمەوێت خودای گەورە هاوسەرێکی صالحم پیببەخشیت و منداڵەکانم لەسایەی ئەو سەروەری بۆ موسوڵمانان بگەڕێننەوە.
هەمان ئەو قسانەی کە نەجم الدین بە ئەسەد الدینی برای وت کاتێک کچی دەسەڵاتدارەکانی ڕەتکردەوە.. وەک کچانی وەزیر، بە پێگە و جوانیەکانیانەوە،
بە هەمان شێوە کچەکەش ئەو کوڕەی ڕەتکردەوە کە پێگە و جوانی هەبوو. وە پارە، هەموو ئەمانە بۆ چی؟
هەردووکیان کەسێکیان دەوێت کە دەستی بگاتە بەهەشت و نەوەیەک دروست بکەن کە سەروەری بۆ موسوڵمانان بگەڕیننەوە.
نەجم الدین هەستا و بانگی شێخی کرد و وتی: شێخ دەمەوێت بێمە داخوازی ئەو کچە.
شێخ پێی گوت: یەکێکە لە خەڵکی هەژاری گەڕەک؟
نەجم الدین وتی: بەڵێ ئەمە ئەو کەسەیە کە من دەمەوێت.
نەجم الدین ئەیوب هاوسەرگیری لەگەڵ ئەم کچە کرد کە ناوی مەلیکە خاتوون بوو.
نەجم الدین لەگەل مەلیکە کوڕێکیان بوو کە بوو بە شوڕشگێڕ و سەروەری بۆ موسوڵمانان گەڕاندەوە.
ئەویش تاکە سەرکردەی مەزنی کوردی بێرەکابەر لە مێژوو: صلاح الدین ئەیوبی
من یەکێکم لەو کەسانەی کە پێگەی صلاح الدینی ئەیوبی لەلام بەراورد ناکەم بە پێگەی هیچ سەرکردەیەکی کورد. چونکە بەراستی پێگەی هیچ سەرکردەیەکی کورد، لە ئیستا و لە میژوو ناگات بە تۆسقاڵیکی پێگەی صلاح الدینی ئەیوبی. ئەوانەی ئیدعای غەیری ئەوەدەکەن، ئەوان یا ئەوەتا نەتەوەپەرستی شۆفینی کوردن یان ئەوەتا نەزانن و کاریگەری ریوایەتی شیعەکانیان لەسەرە.
خۆزگە فەلەستینیەکان بەگشتی و حەماسیش بەتایبەت دەرسیان لە مەزنی ئەو پیاوە وەردەگرت و دەستیان بۆ کاری تیرۆریستی نەدەبرد و ئەوەندەش داخ لەدڵ نەدەبوون بەرامبەر بە کورد. راستە ئێمە کێشەی سەرکردەمان هەیە، بەڵام هەرگیز تفمان لە کەلتوری خۆمان نەکردووە سەرکردایەتی ئیستای کوردی بە نەزانی نکۆڵی لە مەزنی ئەو شێرە دەکات. بۆیە قەت نابینی نە پارتی نە یەکێتی هەتاکو ئیستا بۆنەیەکی شایستە سازبکەن کەباسی مەزنی ئەو پیاوە بکات. قسەی قۆڕ و بێمانا دەکەن لەوەی کەوا گوایە دەوڵەتی بۆ کورد دانەمەزراند.
دەرس وەرگرتن لە هەڵسوکەوتی صلاح الدین لەگەڵ خاچ پەرستەکان دەبێت بکرێت بە کۆنفرانسێکی نیودەوڵەتی ساڵانە.
زانیاری زیاتر