ڕۆژێک دوو باشووکەی جوان پێشکەشی پاشایەک دەکرێن. پاشا پێشتر باشووکەی جوانی لەو شێوەیەی نەبینیوە. داوای ڕاهێنانی ئەم باڵندە بەنرخانە دەکات. مانگەکان تێدەپەڕێت، یەکێک لە باشوکەکان بە جوانی لە ئاسماندا دەفڕێت، بەڵام باشوکەکەی دیکە ئەو لقەی کە لەسەریەتی لەو ڕۆژەوەی هاتووە، بەجێ نەهێشتووە.
پاشان پاشا زۆرێک لە باڵندەناسانی وڵات کۆدەکاتەوە، بەڵام کەس ناتوانێت ئەم باشوکەیە بفڕێنێت. تەنها یەک بالندەناسی تاقینەکراوە لە وڵاتەکەدا ماوە. لە کۆتاییدا بە فەرمانی پاشا دەهێنرێتە کۆشک و دەست بە کار دەکات.
کاتێک پاشا ڕۆژی دواتر لە خەو هەڵدەستێت، لە پەنجەرەکەوە سەیری دەرەوە دەکات و باوەڕ بە چاوەکانی ناکات، دەبینێت هەردوو باشوکەکە بە شێوەیەکی جوان دەفڕن. بۆیە بەپەلە دەچێتە لای بالندەناسەکە و دەپرسێت؛ 'تۆ چۆن ئه‌وه‌ت كرد؟ بەلایەنی کەمەوە ١٠ بالندەناس پێش تۆ هاتبوون و شکستیان هێنا. چۆن وات لێکرد ئەو کارە بکات؟' بالندەناسەکە وەڵامی دەداتەوە: 'زۆر سادە بوو پاشاکەم. من تەنها ئەو لقەم بڕییەوە کە باشوکەکە لەسەری نیشتبۆوە...'
هەندێک جار، کاتێک ناتەوێت لە ناوچەی ئاسوودەیی خۆت دەربچیت، ناتوانیت گۆڕانکاری بەو ئاراستەیەدا بکەیت کە دەتەوێت. لەم جۆرە حاڵەتانەدا پێویستە ئەو لقە ببڕیت کە لەسەری وەستاویت بۆ ئەوەی لە ناوچەی ئاسوودەیی خۆت دەربچیت بۆ ئەوەی ئەو ئامانجە گەورەیە بەدەست بهێنیت کە ئارەزووت لێیە.
Start writing here...