لە ساڵانی ١٩١٠ - ١٩٢٠ ەکان سەرکردەیەکی داغستانی بە ناوی نەجمەدینی گۆتزۆ هەبوو کە بە خاوەن ئیرادەی ئاسن ناسرابوو. ئەو ڕەتیکردەوە گەلەکەی تەسلیمی بەلشەفییەکانی لینین بکات و لە دژایەتیکردنی ئەواندا بە سەربەرزی و پتەویی مایەوە. پاشەکشەی زیاتر و زیاتر بۆ ناو شاخەکانی قەوقاز، سوێندی خوارد کە هەرگیز خاکی خۆی تەسلیمی کۆمۆنیستەکان نەکات.
کۆمۆنیستەکان نەیانتوانی سەرکردە زیرەکەکەی داغستان بگرن، بەڵام لە ساڵی ١٩٢٥دا دەستیان کرد بە بەرتیل بەخشینەوە بە جووتیارانی ناوخۆیی پیس و هەژار. هەندێک لەو خۆفرۆشانە بەلشەفییەکانیانیان بردە شوێنی حەشارگەی نەجمەدین. سوپای ڕووسیا گەمارۆی ماڵەکەی دا و پێیان وت وەرە دەرەوە. بە هێمنی دەموچاوی خۆی شۆرد، نوێژ و دوعاکانی کرد، دوای ئەمە ماڵەکەی بەجێهێشت. ئەو جووتیارانەی بینی کە خیانەتیان لێکرد. چاوی لە چاوەکانیان بوو و پێی گوتن:
'لە قیامەت قسەتان لەگەڵ دەکەم!'
ڕووسەکان سەرکردەی یاخیبووانیان گرت و بە شێوەیەکی دڕندانە لێپرسینەوەیان لەگەڵدا کرد. بەڵام هەرچەندە ئەشکەنجەیان دابێت، ئەو ڕەتیدەکردەوە دەستبەرداری هیچ زانیارییەک بێت. لە وەڵامی پرسیارێکدا کە ئایا نەجمەدین دوا قسەی هەیە، سەیری ئەشکەنجەدەرەکانی کرد. سەرەڕای ئەوەی جەستەی شکاوە بە دەنگێکی پتەو پێی گوتن:
"بەڵێ، قسەی کۆتاییم هەیە. هەمووتان بەم زووانە دەبنە قوربانی ئایدۆلۆژیای خۆتان!”
دوای ئەمەش بەلشەفییەکان تەقەیان لێکرد و شەهیدیان کرد. زۆربەی ئەوانەی کە تەقەشیان لێکرد، لە ساڵانی ١٩٣٧ تا ١٩٤٠ بەدەستی ستالین کوژران.