کاتێک دەوڵەتەکان دەڕووخێن:
فاڵچیەکان،
سواڵکەرەکان،
دووڕووەکان،
خۆنمایشکەرەکان،
نووسەرە قەڵەم فرۆشەکان،
گێڕەشێوێنەکان،
گۆرانیبێژە ناتەباکان،
شاعیرانی دووڕوو،
چەقۆکێشان،
تەپڵ لێدەرەکان،
گاڵتەجارەکان،
فەلەکناسەکانی زۆدیاک،
سیاسییەکان،
ماستاوچیەکان،
ڕێبواران
و هەلپەرستەکان
زۆردەبن. بۆیە؛
دەمامکەکان ئاشکرا دەبن ،
ئەوەی تێکەڵ نەکراوە تێکەڵ دەبێت،
قەدرزانی لەدەست دەچێت ،
بەڕێوەبردنی ڕەوا بە هەڵە حیساب دەکرێت،
مانا و وشەکان تێکەڵ دەبن،
ڕاستگۆیی تێکەڵ بە درۆ دەبێت،
وە جیهادیش تێکەڵ دەبێت کوشتن.
کاتێک دەوڵەتەکان دەڕووخێن:
،تیرۆر زاڵ دەبێت
خەڵک پەنا بۆ مەزهەبەکان دەبەن،
سەرسوڕهێنەر دەردەکەون و دەنگۆ بڵاودەبێتەوە،
دۆستێک دەگۆڕێت بۆ دوژمن و دوژمنێک بۆ دۆست،
دەنگی درۆ بەرزتر دەبێتەوە
و دەنگی حەقیقەت کاڵ دەبێتەوە،
ڕووخساری گوماناوی دەردەکەوی
ڕووخساری جوان نامێنێت،
خەونەکان کەم دەبنەوە و هیوا دەمرێت،
کەسی عەقڵ زیاتر نامۆ دەبێت و
سیماکان لەدەست دەچن.
دەنگی دانایان و زانایان لە جەنجاڵی دەنگی بانگخوازان و بانگەشەکردن بۆ کۆنەپەرستی ون دەبێت.
هەمووان وریا و چاوەڕوانی دەبن،
دۆخەکە دەگۆڕێت بۆ پڕۆژەی کۆچ
نیشتمان دەگۆڕێت بۆ وێستگەیەکی سەفەر،
ئەو شوینانەی تێیدا دەژین دەبنە حەسار
ماڵەکان دەبنە یادگاری و
یادگارییەکان دەبنە چیرۆک! '